Sadarwa: Kayan Kiɗa
Gabatarwa
Bahaushe yana amfani da kayan kiɗa na gargajiya wajen isar da saƙonni. Daga ciki akwai:
Busa Ƙaho
Ana busa ƙaho domin sanar da mazaje su yi shirin fita daji domin farauta.
Ganga
Ana kaɗa ganga domin sanar da yin wasanni kamar irin su kokawa da saurnsu. Misali, idan za a yi wasan kokawa, to mai ganga yakan yi ta kaɗawa na tsawon lokaci domin sanar da mutane cewa, an fara taruwa. Wannan ita za ta saka mutane su yi ta fitowa zuwa gurin da suke jin wannan amon.
Gangar Kokawa
Sarewa
Samari kan busa wa ‘yan matansu sarewa domin sanar da su cewa su fito zance.
Kurya
Kurya ganga ce da ake kaɗa ta a lokacin da ake son sanar da jama’ar gari cewa su yi shirin fita yaƙi a lokacin yaƙe-yaƙe.
Kuge
Wasu ƙarafuna ne na kiɗa da ake buga su da juna. Ana amfani da su wajen sanar da mazaje fita yaƙi.
Bindiga
Ana harba bindiga domin sanar da jama’a ganin watan azumi ko na sallah. Sannan kuma idan aka idar da sallar Juma’a a babban masallaci akan harba bindiga domin sanar da matan da ke cikin gida cewa an sauko daga Juma’a domin suma su shirya su yi sallar azahar.
Manazarta:
Bunza A.M. (2002). Rubutun Hausa Yadda Yake Da Yadda Ake Yin Sa Don Masu Koyo Da Koyarwa. Ibrash Islamic Publications Centre L.T.D., 31 Adalabu Street, Surulere, Lagos.
Zarruƙ R.M., Kafin Hausa A.A. da Alhassan B.S.Y. (2011). Sabuwar Hanyar Nazarin Hausa Don Ƙananan Makarantun Sakandire Littafi na Ɗaya. University Press PLC, Ibadan, Najeriya.
Sadarwa
Hanyoyin Sadarwa
- Hanyar amfani da alamomi
- Hanyar amfani da gaɓɓai
- Hanyar amfani da sauti
- Kayan Kiɗa
- Saƙon kar-ta-kwana
Tatsuniyoyi
- Gizo da Noman Gyaɗa
- Gizo da Saniya
- Gizo da Ƙoƙi da Kantu
- Gizo da Ɗanrago...
- Gizo Ɓarawon Gyaɗa
- Gizo da Ɓaure
- Biri da Kura
- Kura da Kare
- Auren Barewa...
- Kuturu, Makaho...
- Alhaji da Hajiya
- Wasu Mutane Huɗu
- Baban Rogaji
- Yarinya da Ƙawayenta
- Mutum da Zabi
- Ƙuda da Kwaɗo
- Ɓarayin Rake
- Maraya
- Ɓarawon Gwal
- Tsiniyama da Lafiyana
- Yusufu da Bala
Wasanni
Karin Magana
Wakokin Makaɗa
- Waƙoƙin Makaɗa
- Makaɗan Fada
- Makaɗan Sarauta
- Makaɗan Jama’a
- Makaɗan Maza
- Makaɗan Mata
- Makaɗan Ban-Dariya
- Makaɗan Sana’a
Tura wannan shafi zuwa ga abokai ta:
TweetLatsa madannin "Like" ka nuna goyon baya ko kuma "Share" ka yaɗa shafin